Isang bumbilya ang tanging liwanag
Mga nota ay binabasa sa hatid nitong sinag
Kinakapa ag kurdon n gitara
Maihatid lamang ang magiliw na musika
Sa paana'y naroon ang isang maliit na kahon
Lalagyan ng kwartang handog ng panahon
Mamisong salapi ay tumutumbas sa milyon
Hindi alintana ang libo-libong dimensiyon
Madungis man sa paningin
Talbo naman lahat ng sining
Pagkat handog niya'y ritmong may kiliti
Para sa mga pusong nahihimbing
Kumpas ng mg daliri'y wasto
Tapak ng paa'y sumasabay sa tono
Isang musikerong naglalagi sa bangketa
Araneta'y tiyak na tameme sa kanya
No comments:
Post a Comment